久未露面的何鴻章新抱何苗春暉日前與十四歲的女兒Sophia一同到書展，並為在場的小朋友講故事，何苗春暉透露現忙於兒童發展工作，而問到其老爺的近況，她說：「佢依家住喺美國，嚟緊我哋一家人都會過去探佢，佢身體好好！」

另外，談到近日g模拋胸橫行，何苗春暉搖頭說：「我就好唔贊成佢哋咁做，呢個（露肉拍照）唔可以當成終生事業，我一定唔會畀自己個女咁做，希望佢哋明白讀書先係最重要，或者將來佢哋先會明白。」此外，已為兩女之母的她被問到會否有意再追一個兒子？她即笑說：「我每日已經對住好多小朋友，而且依家兩個女嘅年齡好似我嘅朋友咁，太細個就唔可以咁樣溝通，我好享受現況。」