正擔任內地「超級女聲」時尚教主主持人的洪詠霖早前與好友鈴木仁接受男士網上雜誌Men1000.com的訪問。現時與前餅碎Angela打得火熱的鈴木仁，對女友讚不絕口︰「佢好獨立，亦好尊重我，我哋嘅價值觀好近似，佢又唔貪慕虛榮，我哋一齊好開心。」

而曾被藤原紀香前男友追求過的洪詠霖，卻覺得香港男生太急色，不及日男有禮貌︰「我試過同朋友去夜店，點知去到20分鐘內有6個男仔過嚟搭訕，個個都又搭膊頭又攬腰，有啲仲伸手入我哋件衫入面掃腰，真係好離譜，所以我哋坐咗20分鐘就忍唔住離開。自此之後，我都唔敢再去香港嘅夜店，日本嘅男仔一定唔會咁過分。」

對愛情認真的詠霖，希望可以找到一個「門當戶對」的男生當男友︰「我希望搵到一個同我一樣好專一好認真嘅男仔拍拖。」不過身旁的鈴木仁聞言不禁說︰「喺香港，唔好咁天真。」