向來愛玩愛蒲的賭王四太長女何超盈，自半年前認識攻讀室內設計的男友後，即戒煙戒酒兼絕迹蘭桂坊，更甜蜜透露男友已見過其父母，且深得賭王歡心，難怪早前被刊登吸煙舊照，超盈大感無奈，並即時把自己當作反面教材，向弟弟說教！
何超盈昨天與弟弟何猷君一起出席法國品牌Pergiot推出的eco-bag環保袋活動，以短裙配白色see through襯衣，令白色bra若隱若現的超盈，以青春性感姿態支持環保，而同場有琦琦、以及引入品牌到港的虞茱迪等。
向弟弟說教
自言平時自備環保袋的超盈，對於早前被刊登吸煙飲酒的相片，她一臉無奈說：「啲相係舊年十二月影，唔知點解啲人會攞番出嚟。」至於被問是否平時多煙酒，超盈說這是以前的事，此時更發揮大家姐本色，教導身旁的弟弟猷君說：「你聽吓都啱㗎嘞！」她續說：「我有氣管炎唔食得，出嚟玩個個都拎住支煙扮食，以前覺得好型，但依家覺得好傻。媽咪都有話我（食煙相），但我覺得唔公平，我已經冇再去蘭桂坊，但仲攞啲舊相出嚟。」
蜜運中的超盈，直言是聽男友勸告而戒煙，並首次公開男友身份。其男友名字是Greg，今年廿二歲，明年完成於英國攻讀的室內設計課程後將回港發展，她說︰「佢喺媽咪公司做暑期工，負責睇凱旋門項目嘅則，唔知有冇人工，我估冇。」被問到對方是否其結婚對象，她說：「要問過父母先，佢哋有見過佢，Daddy都好鍾意佢。」
超雲要求高
對於三太長女何超雲擇偶條件高，超盈也大表贊同：「佢有叫我介紹男仔畀佢，但佢要求太高。」
另外，同場的琦琦透露即將與女兒飛往北京，原來琦琦想女兒多認識祖國，故打算此行帶她參觀紫禁城等名勝。 文：名人組