渴望做公主不見得是有「公主病」，向來甚有公主氣質的Jill Stuart，每一件化妝品都甚有公主Feel，放一件在梳妝枱上，即時令房間充滿公主味，再化一個紅粉緋緋的公主妝，即刻靚晒！
清新可愛的公主妝容，一雙水汪汪的閃亮眼睛絕不可少，今次請來化妝師Kenneth Wong與莊思敏為大家示範。Kenneth先用銀色的眼影啫喱打底（Step 1），再加一層紫色的眼影啫喱在面（Step 2）。Kenneth說︰「先用手指上底色，再用扁平嘅掃掃上紫色眼影，呢兩隻基本上都唔難用，不過如果怕眼腫的話，就可以先搽咗啡色打底，然後再上呢兩隻色，出嚟嘅效果都會好可愛。」
啫喱眼影打底
踏入夏天，不少女士都怕眼影會溶，Kenneth就極力推介這款眼影啫喱：「呢隻啫喱冇咁易溶。不過如果要轉晚妝的話，用啫喱眼影打完底，都要再搽多層眼影，咁會實啲。」再畫上眼線及塗上睫毛液後，一雙精靈動人的公主眼睛就搞掂。
話明是可愛公主妝，在臉頰上掃上粉紅色系的胭脂（Step 3），可增強白裏透紅的粉嫩感覺。嘴唇方面，Lip gloss絕不可少，掃上淡粉紅色的唇蜜（Step 4），公主妝即時完成。
靚妝keep成日
大熱天時最怕溶妝，Jill Stuart的Fruit and Aroma Mist由玫瑰水、玫瑰萃取液和新鮮水果萃取液提煉而成。獨特的水溶性保濕成分，即使噴向妝容也不會脫妝。噴霧中的保濕因子滲透肌膚，調整肌膚狀態，同時形成柔滑保濕膜，最好於完成底妝後使用。
控油產品推介
夏天最怕油淋淋，成塊臉立立令，真係同油浸豬扒無分別，所以無論男女，控油產品絕對要揀番隻。
Acnes u清爽控油潔面乳 $39.9
含有綠白兩種細柔磨砂微粒，能深入毛孔，帶走油脂及殘妝，保持毛孔暢通之餘，同時去除老化角質。潔面乳亦蘊含八種天然植物控油配方，加上水動能因子的三重深層保濕，為肌膚提供足夠水分。
Kose Esprique Precious Matt Veil $150
可用於底霜後、粉底前的Matt Veil，其高效的粉體自然地遮蓋毛孔凹凸部位，而且防汗防油，帶來清爽質感。此外，Matt Veil可提高隨後使用之粉底的緊貼度，長時間保持妝容，加上其幼滑質感，簡單地形成細緻化妝膜。
曼秀雷敦男士草本控油潔面乳 $42.9
含天然茶樹油，可調節皮膚油脂分泌及防止毛孔閉塞，最適合護理暗瘡皮膚。當中的天然金縷梅及橄欖油精華，能有效保濕及收細毛孔，保持肌膚清爽同時趕絕面油。
Jill Stuart Pore Liquid Essense $210
含檸檬果汁的精華，在塗粉底液前塗於肌膚上，即時變成粉狀，形成半霧效果，預防溶妝。加上有兩種吸油粉體，把汗和多餘油脂吸收，呈現亮澤膚色外，亦能覆蓋毛孔，均勻膚色。
化妝︰Kenneth Wong
採訪︰楊歡成 攝影︰劉智源 示範︰莊思敏