環保課題在全球也鬧得熱烘烘，此風最近已吹至商用車界，正如三菱（Mitsubishi）Canter貨車便具備了低油耗、低排放的特點，而且不用停車燒炭屎，工作效率自然提高不少。今日，我們找來對汽車有一定認識，尤其懂得搵食車慳錢之道的周家蔚（Janet）做個訪問，睇吓佢對環保貨車嘅認識有幾深先！

新陳列室地點就腳

今次有機會同港姐周家蔚做訪問，梗係要搵番個靚場地襯番啦！適逢長沙灣的全新三菱貨車陳列室已正式啟用，冇理由唔喺度進行吖！Janet表示：「真係估唔到貨車陳列室竟然一啲都唔老套，仲要裝修得咁前衞，感覺幾新鮮！」現時，全新的三菱貨車陳列室已遷往長沙灣道千禧大廈，交通比前址更加便利，門前又可泊車，方便客人前來參觀選購。此外，專業的營業員也樂意為客人詳細說明每輛汽車的特點，即時解答有關貨車保養、上會、保險等問題。

毋須燒炭屎

目前，三菱Canter 5.5/9.0噸貨車是市面上唯一不用停車燒炭屎，車陣又同時有226mm高的貨車。講到停車燒炭屎的壞處時，Janet就話：「停車燒炭屎唔單只浪費燃油，高達600℃的車底死氣鼓更存在危險，而且有噪音和怪味釋出。搵食車講求效率，停車燒炭屎仲會妨礙工作、浪費時間添！」大家都知道樁柱是用來支撐整座大廈，而車陣的作用就等同大廈的樁柱。Janet搶着說：「我都知吖，Canter 5.5/9.0噸貨車唔單只用上高剛性車陣，仲配備抓地性能強、耐用程度高嘅米芝蓮215/75R17.5真空原子輪胎，夠晒安全！」

設計以人為本

拍攝車廂圖片時，Janet似乎對Canter幾有興趣，仲話：「儀錶資料清晰易讀、設備又齊，短波棍設計仲可以令操控更輕鬆添！」其實，Janet一啲都冇講錯，Canter的駕駛室設計概念以人為本，車廂體積不僅達到974×1,750×1,125mm（高×闊×深），座椅還可調校椅背角度，伸展空間相當充足。更何況出車標準配備已包括駕駛席安全氣袋、Kenwood高級雷射音響系統及活動手枕，難怪Janet都話Canter貨車有私家車的舒適感受。現時，原廠提供了三年或十萬公里保養，更破天荒承諾死氣鼓一世保用，咁自然用得安心又放心啦！

規格表

引擎：直列式4汽缸16活瓣電子控制高壓共軌柴油噴注配可變角度渦輪增壓附中置冷卻器及廢氣再循環系統

容積：4,899c.c.

最大馬力：180ps/2,700rpm

最大扭力：54kgm/1,600rpm

傳動：六前速手波

制動：（5.5噸）真空輔助雙迴路制動，配自動攝迫力皮功能，廢氣煞車，制動載重感應（9.0噸）液壓輔助雙迴路制動，配自動攝迫力皮功能，廢氣煞車，制動載重感應

轉向：風油軚

轉向半徑：6.1~7.8米

資料：營業資訊

查詢：2395 5237

地址：九龍長沙灣長沙灣道924~926號千禧大廈地下A舖