24/07/2009

播放本新聞相關短片

馮雲黛愛子成小太空人

芭蕾舞家馮雲黛的囝囝小小年紀已成為小太空人,令全家上下都非常開心。昨日她帶同九歲囝囝甘子傑一起到書展為一班小朋友講故事,她說:「個仔BB時我就每晚講古仔佢聽,自小同佢一齊讀書,培養佢閱讀嘅興趣。」

馮雲黛又透露早前獲通知囝囝入選了小太空人計劃,她說:「本來今個暑假我哋諗住去旅行,不過我老公太忙所以唔去,我個朋友就提議囝囝參加呢個計劃,最初都係抱住試吓嘅心態,期間要不停面試同考體能,最後喺千五個小朋友揀六個出嚟,囝囝係其中一個。佢之後仲要去美國太空總部接受訓練,我會陪佢一齊去。」