「翻版關之琳」Jocelyn眼見老公Anthony在活動上被Cara G.公然錫錫，但她卻毫不介意，表示老公經常都被誘惑，但對老公投以百分百信任票，更笑言若老公行差踏錯，定必趕他出門口！

昨日Jocelyn聯同Cara G.、陳碧舸及鍾浠文齊齊穿上Alexander Wang秋冬新裝為SHISEIDO MAQuillAGE 2009秋季彩妝系列擔任模特兒，而Jocelyn老公Anthony則在現場大派咖啡。Jocelyn與Cara G.在台上示範新妝後，Anthony應大會要求上台來個大合照，期間Cara G.向Anthony獻吻，在旁的Jocelyn即扮作呷醋，Anthony為氹老婆Jocelyn，親自為她塗上lip gloss更送上鮮花，場面搞笑。

讚老公好男人

事後Jocelyn表示剛才只是做戲，被問到若有女子向老公獻吻會有何反應？她大讚老公是好男人。至於知不知老公有否曾被引誘？她說︰「唔單止我老公，好多男人都會面對過。其實唔可以因為錫另一半一啖而嬲嗰個女人，要睇埋另一半嗰個反應，等於有男人親近我，我都會尊重自己，亦都尊重埋另一半，我哋好信任大家。」記者笑問若老公真的行差踏錯會怎樣？她笑說會踢Anthony出門口，並說︰「我會keep住間屋同貓，佢就去第二度住啦！」

揀男友唔睇錢

另外，「翻版徐子淇」鍾浠文坦言多得徐子淇帶挈，工作有增冇減，問到會否恨做千億新抱？她耍手擰頭︰「我拍拖都未，其實我揀男友唔係睇錢，如果有錢人追求我，唔鍾意都冇辦法！」

文︰名人組