嘩！天氣熱到爆，賽馬都要抖暑，但Cheaperman一於少理，攝氏36度高溫底下，照樣四出遊走，為大家刮盡本周最精彩好玩地方，究竟今次又有乜好介紹？之唔係屯門黃金海岸！唔講你唔知，原來呢度有好多隱世高人，今次由Cheaperman一次幫你搵晒出嚟，真係唔該晒！
港版蒙馬特
屯門黃金海岸大家去得多，不過我哋唔係去游水或食buffet，而係由Cheaperman帶我哋遊市集。唔講大家未必知，呢個市集有個名叫「黃金蒙馬特」，蒙馬特其實係法國巴黎一個小市鎮，當地有好多小攤檔，專畀一班畫家、藝術家擺檔，好似為世人最熟悉嘅畢加索就係喺蒙馬特誕生嘞！
講番我哋嘅港版「蒙馬特」都唔弱，喺呢度大大話話有二、三十檔大大小小攤檔，大部分產品都由人手製造，獨一無二，非常矜貴。
土炮畢加索
Cheaperman遊吓遊吓，行到攤檔嘅中間位置，就發現一位戴黑框眼鏡、穿背心短褲，相當有藝術家氣息嘅男士，而身後更有大量油畫，Cheaperman見佢個樣咁cool，本來都唔想埋去，之不過發現一張同嗰位男士非常似樣嘅油畫，卡通化得嚟又神似，於是就忍唔住過去睇吓。原來呢位畫家非常友善，同Cheaperman有講有笑，於是Cheaperman忍唔住要幫襯畫番一張自畫照，大家想唔想知Cheaperman盧山真面目係點，咁就要留意下一集Cheap精選自有分曉！
畫就畫完，究意呢個「港版蒙馬特」仲有咩好玩之處呢？Cheaperman發現有個高手喺度表演中國民間藝術「軟膠扯鈴」，扯鈴飛上飛落，吸引咗不少遊客駐足欣賞，玩到興起，高手先生更表演被喻為「打不死」嘅音樂陀螺，用條鞭起勢咁鞭，陀螺就不停咁轉，一直轉唔停。想知有幾過癮？請留意下集Cheap精選《玩轉蒙馬特終極篇》！
溫馨提示
想了解Cheaperman玩轉黃金蒙馬特有幾過癮，仲唔即刻click 入ontv生活台？
節目如下：
第一節：Cheap精選《第一百四十集 黃金蒙馬特》
第二節：Cheap精選《第一百四十一集 玩轉蒙馬特》
第三節：Cheap精選《第一百四十二集 玩轉蒙馬特 終極篇》
HotClick三甲
第一位：化妝學院教你逆市創業
人人爭住做靚模，但熱潮一過又點算好呢？都係學番門手藝最實際。Mae Von專業化妝學院開班教授「完美專業妝容進階1-2-3證書」的畢業生，完成課程後更可進修成為專業化妝師，並與不同藝人、媒體等合作，包括少女廚神JJ、高皓正、姚子羚、樂基兒及Peter Pan舞台劇等。
第二位：認識直腸癌
儘管大腸癌（結直腸癌）已經攀升至香港癌症流行榜第二位，但大眾對大腸癌仍未有足夠認識，以致造成延誤醫治，甚至錯失最佳的治療時機。例如不少人以為只有便血才是大腸癌先兆，對其他身體異狀忽視，但大便帶血只是眾多大腸癌病徵的其中一種，不同位置的結直腸腫瘤會帶來不同的徵狀。想了解更多大腸癌預防方法，咁就即上ontv生活台啦！
第三位：《就係咁易之餅乾防潮法》
相信打工仔都試過忙到飯都冇時間食，留喺公司捱餅乾，點知發現連啲餅乾都放到腍晒，點算好？唔怕，要防止再發生，今日ontv生活台教你，首先準備一個合適嘅樽及方糖，先將方糖整齊平放在樽底部，再將餅乾逐塊鋪上。由於方糖可吸走樽內濕氣，所以可保持樽內乾燥，令餅乾幾時都咁鬆脆，雖然係咁，都要小心過期！
撰文：余家洋