椋名凜（Rin）、陳見飛（Tricia）以及尹晞（Yumi）齊齊出席apm活動，其中以上圍最勁的Rin最搏，以比堅尼上陣大騷35E跌身材，而輸足成條街的Tricia及Yumi聲言不介意被搶鏡，並大讚Rin真材實料。

昨日Rin、Tricia及Yumi出席apm四周年紀念活動，Rin先後換上三套比堅尼，模擬沖涼及游水，她又不時烏身，大騷35E澎湃上圍，成為全場焦點。而Yumi以tube top加短褲現身，至於Deep V裙上陣的Tricia則最為失色。

Tricia（中）和Yumi（右）站在椋名凜旁，可謂輸足成條街。

尹蓁晞因推出寫真集在即，故公司下令不可穿比堅尼出席活動。

輕易成為焦點

對於成為焦點，Rin說：「我以為今日係泳衣騷，我好驚訝其他人冇着泳衣。（喺商場着泳衣會尷尬嗎﹖）少少，件泳衣細咗啲，不過我鍾意着細啲尺碼。」問到經常以泳衣出騷，會否怕被指cheap，她說：「我有做其他騷，但依家係夏天，所以泳衣騷係好重要嘅工作。」據大會公關透露椋名凜是負責演繹泳池裝飾，尹蓁晞演繹梳化裝飾，而陳見飛負責餐桌裝飾，故只有椋名凜需要穿泳衣現身。

唔介意被搶鏡

至於被搶鏡的Yumi自認輸少少，她說：「因為我就快出寫真，所以公司唔畀我着泳衣。」對於Rin的身材，Yumi直言非常羨慕：「佢身材好好，我頭先換衫見到佢係真材實料。（會唔會覺得佢cheap﹖）唔會，好多外國模特兒都行泳衣騷。」

另外，Tricia亦稱不介意被搶鏡，並大讚Rin身材：「如果我嘅身材好似佢咁，我都會着比堅尼。我4年前做騷着過，但我過咗30歲就唔敢着。」

文︰名人組