星期日，跟一大班朋友，興高采烈地去西貢的魚排燒烤，燒烤之後，再駁船去一個叫爛蛇灣的無人沙灘，個沙灘真的無人，只得七隻牛同我們一行二十人……我真的不是講笑，真的有七隻牛喺個沙灘度！

其實一上岸都覺得不對勁，因為發現個沙灘好污糟，又多石，啲水又濁，仲有一包我諗喺深圳嗰邊漂過來的米喺岸邊，你話係咪完全不對勁？都算啦！點知……唉……

唔知大家有無試過望住啲雨一步一步咁由遠處落埋自己身處的地方？好似世界末日一樣恐怖……那天我們就看着暴雨由對面的天空落埋嚟我們身處的爛蛇灣……勁似漫畫入面的情節，無得走，等濕身，仲要無衫着，得泳衣泳褲，無位避雨無得走，橫風橫雨喺個沙灘度，唔通個天要我哋洗滌心靈？啲雨打落個身度面度眼度，真心痛！唔通個天想懲罰我哋呢班人？我哋知錯了，以後都唔講人是非，唔咁口臭，唔笑人樣衰，總之咩都唔啦！快啲停雨同隻船快啲嚟接我哋走啦！

最後我哋喺個沙灘度淋咗成半個鐘雨……上船的時候，就停雨了！

灰到震嬲到爆，我仲要病埋！

時裝設計師