鯊魚女陳細潔（Abbie）昨日以保良局總理身份出席午宴，單身了好一段日子的她，直認現時蜜運中：「拍吓散拖囉。（點解唔係正式拍拖？）都無人可以畀我帶出嚟見得人。（差啲咩？）差啲內涵，個樣同外形都OK，唉！話佢純又得，話佢鈍又得。多啲帶佢出嚟訓練吓？唔得㗎，佢好慌失失，唔出得大場面，出嚟食飯，拎杯酒都手震震咁。佢係ABC嚟，唔知係咪喺外國長大係咁。佢話我係佢咁多年嚟搵到嘅偶像，我唔鍾意男仔咁女人型。」

Abbie又透露兩人認識了三個月，對方在銀行工作，Abbie笑言以為做銀行的都很醒目，卻大失所望：「初初都以為佢係扮豬食老虎，點知食過幾次飯都係咁，先知佢真係唔係醒目派。」