向來戀愛大過天的名模Ana R.，近日感情終於有着落，難怪經常春風滿面風騷非常，即使被拍得凸點行show也不介意，更笑指這是「fashion」，愛情魔力認真偉大。前晚Ana R.、樂基兒、Cara G.、陳碧舸及姚書軼等一同為Coach示範09秋冬服飾，真空上陣的Ana R.穿上桃紅色裙子行show，胸前兩點盡透人前。記者笑指她性感凸點？她即拿手袋遮掩胸部笑說：「我冇戴bra呀，呢件衫唔可以戴bra，戴咗就唔靚，所以裏面乜都冇㗎，（好危險喎？）所以唔可以同你哋咁近囉！」
樂基兒必捧黎明
樂基兒則預告將會捧場睇男友黎明（Leon）七月的演唱會，她說：「七月尾會返美國探屋企人，（點解七月尾？）我要睇埋Leon演唱會嘛，（係咪拍拖後首度捧場？）唔係，不過我去咗你哋都唔知啦！」問到Leon演唱會籌備如何？可有在家練歌？她笑說：「冇呀，呢排佢忙拍戲，可能喺屋企打boxing。」