被指與霍震寰兒子霍啟文拍拖的賭王三太女兒何超雲，前晚出席活動時大談擇偶條件，謂最重要是英俊、有錢及孝順，笑言啟文將會具備以上條件，但暫時未有發展機會；而父親則揚言不想她嫁膚色「黑麻麻」的人。
前晚Coach舉行「品牌展覽開幕酒會及09秋冬預展」，大會請來鄔君梅、琦琦、薛凱琪、鍾蕙芝、胡心諾及周凱盈等出席。其中何超雲透露家中有數十個手袋，最貴一個是二萬元。談到妹妹何超蓮被指鼻子整容？她即力撐說：「梗係唔係啦，佢由細到大都係咁嘅樣！（你贊唔贊成整容？）依家啲科技都OK，不過我覺得唔係明星就冇必要整囉，我自己就唔敢試，因為怕痛。」
對米高冇乜感覺
超雲表示現時是單身，問到擇偶條件？她即滔滔不絕地說：「靚仔、身家幾好、思想好、孝順，我諗香港應該絕種。」記者笑問她可介意與外國人拍拖？她即說：「我冇所謂，爸爸話最緊要唔係『黑麻麻』就OK。」記者再追問其緋聞男友霍啟文可符合以上條件？她想了想說：「將來應該有，（將來有冇機會發展？）問番佢啦，（即係你OK等佢？）咁又唔係，暫時唔得。」談到米高積遜逝世，超雲冷漠地說：「我太年輕啦，而且我一出世佢已經整容整到個鼻甩咗，所以我冇乜感覺！」
為栢芝追女打氣
而擔任模特兒的謝婷婷則謂仍未能對米高積遜忘懷，她說：「我估唔到自己會咁掛住佢！」談到有指栢芝追女計劃失敗？她笑說：「佢一定想啦，第一個咁得意咁醒目，生多幾個都OK，希望阿嫂加油啦！」她又謂哥哥霆鋒經常在家與兒子玩耍，又教他詠春，儼如一位慈父。
文：名人組