近排天氣非常不穩定，雷暴夾雜黃雨警告信號一齊來，雨勢仲有時頗大，個人即時Down晒。雖偶爾放晴，但小妹沒有掉以輕心，日日準時留意天氣報告才放心出街，話雖如此，諗諗吓，未雨綢繆是好事，入定一對膠鞋是明智的選擇，防水兼時尚，萬一遇上落雨都冇有怕啦。
易襯潮物Icon
如今，膠鞋已經是潮流人的Icon，選擇亦較多，人字拖涼鞋、圓頭鞋、綁帶波鞋款都以膠物料打造，掃上七彩顏色；不同造型如娃娃、Boylish、Casual及少女Look都可以用來Mix & Match配搭。小記挑選好幾對膠鞋給大家，分別是走High-end風格的see by cholé平底白色涼鞋、妹妹感覺的Butterfly dream紅色圓頭平底鞋，及夏日味濃的havaianas綠色人字拖涼鞋等等，唔知你哋會鍾意邊對呢？
膠物料擋雨
落雨天，地面又濕又滑，出街着布鞋或波鞋又怕弄濕，為了未來的雨天作好準備，有對膠水靴傍身總是比較好，包保唔會整濕雙腳啦！講到膠鞋，日本妹早已瞓身力撐一人一對，即使平日唔落雨，佢哋都照着大玩Mix & Match，何況在落雨天的日子，膠鞋更是不可缺少的。在此提醒各位姊妹們，無論是膠水靴或膠鞋，有優點之餘，也有缺點，基於它本身是膠物料製造，一百巴仙防水功效，但着得耐會比較焗身，要注意！
色彩鮮艷搶眼
如果大家還以為膠水靴來來去去都只係黑或白色，那就大錯特錯啦。今季，鮮艷顏色和花花圖案的膠水靴陸續上場，百搭又易襯，好似日牌Fin的波點膠水靴、戶外品牌Aigle的紫色印花圖案膠水靴及少女日牌X-girl的啡色膠水靴等等，款款都好搶眼。至於入手膠水靴的要求，迎合潮流及個人風格固然重要，但價錢經濟實惠才是重點，另外還要留意其剪裁貼腳與否。
撰文：黃秀敏
攝影：張群生
查詢電話：（a）2265 7050、（b）2265 8089、（c）2265 7110