寇鴻萍長女唐貝詩（Lydia）又再變面？前晚她出席活動時，鼻子突然增高變得又挺又直，其實她對整容早生興趣，四月時曾被寇鴻萍踢爆她要打聽整容醫生資料，當時氣得寇鴻萍生蝦咁跳，昨日寇鴻萍再聞女兒變面，即大叫：「唔好嚇我。」

前晚wtc more世貿中心舉行「momo潮服館」VIP潮玩派對，請來日本首席rapper日華任表演嘉賓，出席的嘉賓包括椋名凜、諸葛梓岐、官恩娜、莊思敏、森美、小儀、Donald與女友Jan、馬清偉與女友等。

鼻樑挺直	05年100%天然	08年鼻樑彎彎

面黑黑拒回應

唐貝詩與藍莓劉俐及一男友人結伴同行，一向鼻子不高的Lydia，冇見兩個月鼻樑突然增高，面蛋由圓變尖，面形輪廓分明，但她到場後便面黑黑，記者單刀直入問她是否曾經整容？Lydia聽罷全無反應轉身進場，身旁的男友人即代為解畫說她感到不適。

昨日，寇鴻萍翹實老公梁廷鏘入馬場，她大讚Lydia在其經營的美容院做暑期工，每日朝十晚七十分勤力。

寇鴻萍翹實老公梁廷鏘入馬場，並代女兒否認整容。	右起：莊思敏、唐貝詩、王友良及劉俐在派對中碰頭。	馬清偉（右）特意到場捧世姪日華場。

媽咪話瘦咗啫

但被求證Lydia疑似整容時，寇鴻萍說：「唔好嚇我，一定唔會，我保證100%唔會，佢係瘦咗十幾磅，無晒肚腩，條褲都鬆晒。（佢靜靜地整咗唔話你知？）唔會，冇咁嘅需要，而且佢都冇聯絡（醫生），佢之前肥過我，女點可以肥過媽咪呀？我覺得最重要健康，21歲前都唔畀佢減肥，因為要發育，依家就可以。」

她說Lydia將留港四個月，女兒是否與男友Eric一同返港，寇鴻萍則沒有回答。

馬清偉偕同女友Winnie同捧日華場，原來他與日華的父親分屬朋友，視日華為世姪，由細睇到大，但無意開娛樂公司捧人。問到前妻薛芷倫近日疑變面，他說：「人大咗，味道都唔同。（佢話好多人追，有冇帶追求者畀你過目？）冇，好多人追都應該，佢咁靚女！」父親節他與小朋友一同慶祝。

文：名人組