SCEH啱啱搞咗個幾有意義嘅「PSP獵色代碼i7L」活動，搵嚟城中7位獨立女性如周麗淇、麥玲玲、諸葛梓岐、唐貝詩等設計咗7部PSP，之後仲會搞慈善拍賣，幫香港婦女中心協會籌款。大家除咗可參與競投之外，仲可以參加遊戲，喺全港各地搵番呢7部PSP出嚟，然後再估中每部機係由邊個設計，就有機會捧走PSP-3000連遊戲。要搵齊7部機都唔係咁易，小記就畀啲貼士大家，不妨諗吓同Playstation有關嘅商場同娛樂場所，例如尖沙咀、銅鑼灣之類，或者可以去PS Playground附近碰運氣。遊戲去到6月26日就完，大家快啲手嘞！

撰文：布偉倫　網址：asia.playstation.com/