趙碩之（Wylie）師妹尹蓁晞（Yumi）今年備受力捧，即時傳出引來趙碩之眼紅，更有指Yumi跟戴夢夢聯手夾擊對方。Yumi直認跟Wylie「冇咁啱傾」，更說曾被對方的說話傷害感到難受，又指對方應該十分羨慕她多工作。

昨日Yumi及「日版Paris Hilton」椋名凜（Rin）以背心短裙晒腰騷長腿出席「新地健力士呼拉圈大匯演」活動，並即席躺下大玩「蹬傘」。

Yumi（右）晒長腿纖腰，Rin亦不甘示弱。	打足底上陣的椋名凜，躺下時仍見其高企的「山丘」。	椋名凜不時彎身執呼拉圈，甫士誘人。

椋名凜屹立不倒

擁有導彈身材的Rin雖然內穿tube top防走光，但躺下時其豐滿的「山丘」屹立不倒，她玩呼拉圈更不時俯身，顯露誘人乳溝。Yumi也不輸蝕，狂扭腰玩呼拉圈時，其32C驕人上圍動盪非常！

對於跟戴夢夢聯手夾攻Wylie的傳聞，跟戴夢夢感情要好的Yumi說：「同Wylie係冇咁啱傾。（話佢恰你？）係我上次遲到佢先話我，佢都係為我好。（依家夾攻報仇？）報咗仇啦！我同佢只係say hi，佢男仔頭，所以佢同我講嘢好似訓話咁，好直接。（佢無資格話你？）唔係，佢都為我好。有次Wylie話我對鞋好肉酸，我初時都介意，跟住有次見佢套衫肉酸，我都唔敢話番佢。」

等緊Wylie送牛奶

Yumi又指Wylie曾揚言如果Yumi拍寫真集曬黑，會送她一缸牛奶：Yumi說：「等緊佢啲牛奶，佢話下一次畀我，佢冇份影寫真，佢好羨慕，因為佢都鍾意陽光海灘。」兩人會否破冰？Yumi聞言望向經理人說：「破冰喎！」經理人即笑言下次不切燒豬改為破冰。

另外，Rin說玩蹬傘時有點腦充血及尷尬，正努力學廣東話的她說：「髮型師教我講『死蠢』，話就算有人咁鬧我，我都知係咩。」

文：名人組