柴米油鹽醬醋茶，唔睇《碧血鹽梟》都唔知，原來鹽可以比黃金更矜貴，令人為鹽生，為鹽亡，換轉今日？一包鹽最平兩蚊有找，身價可謂差天共地。想話戥啲鹽慘兼唔抵，小記提議你買番個玩味十足、得得意意嘅鹽樽，幫佢裝裝身，Upgrade吓啦！

百變「天作之合」

話明Salt and Pepper，有鹽樽當然就有胡椒樽。這對廚具界的「天作之合」，經常以不同面貌示人，感覺百變，製造質料可包括金屬、樹脂、塑膠及木材等；而外形從Classic款到骰仔、馬騮、鹿頭、啞鈴狀都有，驟眼睇仲以為係擺設，有咗佢哋唔止為食物增添鮮味，亦可提高家居品味！

馬騮三兄弟：馬騮仔擺出「非禮勿言、非禮勿聽、非禮勿視」的Pose，造型夠Cute，打開可選擇放入鹽、胡椒粉，甚至其他調味料等，揭開膠蓋仲連牙籤都擺得落。最特別係荒島底盤有磁石，將馬騮仔緊緊攝住，唔怕飛落「海」！$	放大圖片	一舉成名：呢位選手並唔係舉起兩個鐵餅，而係可拆開的Salt and Pepper，倒完一邊大可反轉再倒。佢咁辛苦做嘅動作，你竟然一隻手指已做到，佩服佩服！$150（A）

食鹽知多少？

除兩蚊貨色嘅鹽之外，其實都仲有好多種鹽：例如岩鹽，可用來蘸點刺身、烹調海鮮及肉類等，鹹度較低，以喜瑪拉雅山岩鹽身價較高；海鹽亦可配多款食材，鹹度較岩鹽重，更可從舌尖感受到點點海水味。此外，還有加入不同味道的鹽，像綠茶鹽、咖喱鹽、芝麻鹽及西芹鹽等，真是大開眼界。

別出心裁：丹麥品牌Muuto的傑作，線條簡單卻具型格，還像個彩色的啞鈴，叫人一見難忘。可惜暫時只得彩色款。$835（B）	一拉即動：看似外表平凡，但只要一拉背面的拉環，即時震到飛起，就算唔裝鹽同胡椒粉，都可以玩一餐！$150（A）	放大圖片
懷舊鹿頭：造型就像古老大屋內的鹿形掛飾，但用途則變成調味樽；金屬製造既墜手亦貴氣。$298（A）

撰文：楊淑英

攝影：陳富權（部分）

查詢電話：（A）2581 1880（B）2528 0808（C）2869 6377