近日發現無論買嘢好，食嘢好，坐的士好，當你給一張大鈔，例如$500時，找錢次序總是由碎銀開始，停頓，才到拾蚊紙、廿蚊紙，停頓，才到百元紙幣，而且全是慢動作。觀乎這種找贖模式，二十個客人總有一個大頭蝦收了碎錢、拾蚊紙、廿蚊紙就轉身離開，當大頭蝦醒覺時，好可能已在巴士、地鐵甚至千里之外了。那麼收銀員就得其所哉，淨賺幾百。而且，完全沒有風險，當大頭蝦即時察覺轉身馬上質問時……標準答案總是：「我都未數完錢，你就擒擒青走人，嗱，錢喺度呀，攞番啦！」

收銀員這種找錢手法，最初由時鐘停車場開始的，因為車主往往要趕時間，多一分鐘可能就計多一個鐘的停車費；而且，停車場付錢後基本上要15分鐘開車離開，否則又計多一個鐘停車費。所以車主由付款、找錢、取停車卡都十分心急，結果總是因小失大。

收銀員這種非經常性收入十分豐厚，所以令到這「找贖模式」發展起來，擴至各行各業。

最近幾次坐的士，發覺「找錢騙客」更加變本加厲，以前毫子唔找，現在已開始「大銀」唔找了。例如明明找八蚊，的士司機求其找3蚊就算，問到點解唔係找八蚊咩？就答：「無碎銀。」

這種找贖模式非常要不得，但又不能報警處理，大家惟有小心一點。

星級註冊女中醫