玩盡港九新界，來自外星的Cheaperman今周決定要更深入了解香港地道文化歷史,首站由新界粉嶺開始。提起粉嶺，戰後香港首個興建、具規劃、現代化及有蓋的聯和墟市場又豈能錯過，Cheaperman誓要到處尋找隱世至抵美食，究竟今周能否順利完成任務，又可以為大帶來甚麼情報資訊呢？

戰後興建發展標誌

來到聯和墟，Cheaperman發現從早到晚，不論街頭街尾都比旺角更為熱鬧，即使只是街頭小食舖都擠得水洩不通，要發掘值得推介情報變得更難入手。因此Cheaperman決定走訪附近街坊，尋找最值得推介吃喝玩樂。綜合街坊意見，最值得參觀的就是聯和墟，Cheaperman為求尋找隱世美食，馬上衝入聯和墟參觀。

Cheaperman發現一檔被喻為全粉嶺最有特色之果汁店，門面裝修普通，但每日都大排長龍，Cheaperman都忍不住一試，即時面色巨變，原來係因為好飲都出唔到聲，有無咁誇呀？

家喻戶曉牛丸大王

Cheaperman自言品嘗過不少本地手打牛丸，但總覺得名大於實，直至來到這間全粉嶺家喻戶曉的群記牛丸後，方發現牛丸原來可以咁好食，雖然話這檔牛丸非常出名，人人識得嚟食，毋須多作介紹，但假如想學Cheaperman食得印印腳，就必定要識揀時段才入座，事關由早到晏牛丸店都逼爆，想好好歎一碗紮實牛丸，下午兩點半至四點前係最佳時機，否則既要排隊又要搭枱，點好食都無胃口啦!

任食放題平日再折

飲飽食醉，Cheaperman原意四圍逛消化之餘順道感受聯和墟的人情世故，之不過眼前所見又令他食指大動，皆因這檔號稱全粉嶺最抵食夾大件的日本放題壽司店，門外大大隻字寫住$188任食，市道唔好更加吸引。

Cheaperman雖然飽到嘔，但有名你叫「Cheaperman」，貪小便宜嘅指令發動，終於忍唔住入內挑戰極限，卒之喺兩小時內，Cheaperman食盡極上吞拿魚，半肥三文魚……食到差啲要老闆抬至肯走。

Hot Click三甲
第一位：車廂10秒降溫就係咁易

嘩，好熱呀！室外溫度36度，車廂更可高達50度，點算好，唔使怕，ontv教你極速車廂降溫法，只要準備三樣配件，噴水器、清水、家用酒精，先將一成酒精倒入噴水器，再加九成清水，搞掂！

用法相當簡單，瞄準車廂內空間噴幾噴，由於酒精蒸發必要吸取熱能，唔使十秒，車廂就可大大降溫到25度，唔信，上網睇吓就知啦!

第二位：真正潮菜有幾潮

潮州菜有個潮字就代表潮？NO喇！要真正做到潮菜，就要跟ontv去土爪灣北帝街呢間新開既潮州菜館「潮食店」，負責人解釋佢嘅潮字有兩個意思，第一要堅守傳統潮州菜色，其次係傳統菜色加新派煮法，咁至係真正潮菜喎！

呢間食店唔只潮，仲好講原則，好似店內嘅海鮮，全部由老闆每朝四點到香港仔碼頭選購，品質保證，所以話呢間潮食店唔只潮，仲係良心品質添！

第三位：三路減噪矽膠耳塞

風聲颼颼，講電話最慘。要有效排除這噪音來源，Voyager PRO特設三重Windsmart防風裝置，第一重先以不銹鋼打造麥克風外殼，減低耳機搖晃頻率；其後再在內側採用著名物料品牌GORE的Acoustic Vent專業聲學物料；最後再加入隔除風聲電路，三管齊下阻截風噪。

撰文：余家洋