時下嘅七人車除咗講求寬敞、實用外，原來仲有相當高嘅玩樂性，好似日產（Nissan）最近就推出Serena K-Box，車廂內不但裝有大型顯示屏，仲有埋專用混音器，中後排乘客可以唱住歌享受旅程！

大包圍白底燈

近年MPV已脫離了四方盒的薯嘜形象，而廠方為了讓Serena K-Box看起來更具活力，還加入大包圍、車頂尾翼及白底尾燈組，感覺當堂後生幾年。而遇上雨水多的季節，地氈總會因發霉而產生異味及孳生細菌，不過Serena的全自動「ION」空氣淨化冷氣系統，卻可根據車廂內不同的環境，自動釋出正負離子，將空氣中的異味分解，確保時刻都有清新的空間，並令空氣中的浮游病菌失去繁殖及感染力，身體都健康啲啦！

售價：$248,800（限量5部）	車匙可遙控趟門及尾門開閂，非常方便。	雙天窗可為車廂注入大量陽光，更親近大自然。

內櫳空間出眾

家庭車講求經濟實用及內櫳寬敞，正如Serena的內部空間便達到2,760×1,470×1,325mm（長×闊×高），每排座椅也有充足的頭部、腳部空間。Serena於2007年獲得日本Minivan銷售冠軍，絕對有迹可尋。現時，Serena K-Box已配備了遙控雙電趟門、自動轉向AFS Xenon頭燈、無匙系統及泊車鏡頭等豪華設備，加上全線車系已達到日本國家汽車安全六星標準，對家人自然有更大的保障。而唔可以唔提的，當然還有K-Box版加入的卡拉OK功能，坐長途車都唔怕悶！

卡拉OK混音器可調校Echo，唱起嚟寧捨有Feel！

Serena向來都以車廂寬敞見稱，就連後排也相當闊落。

懸掛設定得宜

動力方面，Serena採用了一副2.0公升直四全鋁合金引擎，最大馬力達到137ps，並搭載XTRONIC CVT波箱，加速順暢而寧靜。由於引擎在2,000~5,200rpm均可輸出90%或以上的扭力，無論燈位起步，抑或在高速公路超車爬頭都有理想的反應，加上懸掛設定得宜，於凹凸不平的路面上行駛亦不會過分彈跳，乘坐感非常舒適。整體而言，Serena車廂寬敞、設備豪華，加上低排放、低油耗的特點，不失為理想的MPV選擇。

車尾設有小尾翼，使全車看起來更富動感。

引擎運作寧靜，能傳入車廂的噪音極微。

規格表

車　　型：八座位MPV

引　　擎：直列4汽缸CVTC

容　　積：1,997c.c.

最大馬力：137ps/5,200rpm

最大扭力：20.4kgm/4,400rpm

傳　　動：XTRONIC CVT

驅　　動：前置引擎、前輪驅動

制　　動：（前）通風碟式、（後）碟式

懸　　掛：（前）獨立麥花臣式支柱、（後）扭力桿

撰文：鄭浩文　攝影：陳世昌

查詢電話：2803 5333（合誠汽車）

模特兒：Carol（Jade Image）