陳見飛（Tricia）日前被指出席活動時表現「浮浮吓」，她昨日出席apm之「未來世界汽車及古董鐵道展」時，立即作出澄清：「我嗰日係攰，因為之前同男朋友嗌交，我依家冇飲酒！」自覺表現OK的她坦言不擔心因此而影響形象。

另外，Tricia透露將於20日到吉隆坡，為陳冠希（Edison）開設之潮店撐場。談到Edison早前「回流」，Tricia透露為此感開心，她解釋：「細佬同我講，公司同事、助手都讚佢個人謙虛咗，我覺得慾照事件發生係救咗佢，因為之前佢一直要工作，冇時間休息！」而同場的周家蔚被問到今屆港姐入圍佳麗質素差時，她力撐：「包裝吓會唔同啲，我對鬚根舒淇比較有興趣。」而即將要開始拍劇的她，自爆在劇中做湯盈盈的契女，問到可會向男友洪天明請教時，她說：「我睇盈盈啲劇多啲，佢做得好好！」

此外，陳冠希的品牌Juice在吉隆坡的首間海外分店將舉行一連串活動，除了陳冠希與契細佬Kevin Poon會親自主理外，還會邀請李璨琛主持簡單的開幕儀式。