向來熱情的攝影師戴妮廷（Eydie），近日被傳搭上好友的男友、靚仔版Ricky Martin。日前本報更拍得兩人當街激咀，不過向來敢愛敢恨的Eydie卻忽然縮沙，否認自己是第三者！

Eydie一向健談惹火，在社交圈不乏追求者。她自去年與模特兒男友Dan分手後便一直單身。Dry了大半年，最近Eydie再有新目標，但卻錯愛模特兒好友Gabrielle Kuti的男友、貌似Ricky Martin的靚仔Adam。

戴妮廷與模特兒好友之男友Adam不避嫌翹手，儼如一對戀人。	二人在書店互相耳語，好不溫馨。	Eydie主動拿出相機與Adam玩自拍。

不時竊竊私語

日前本報拍得兩人甜蜜現身中環ifc，為小心保護剛萌芽的戀情，Eydie走在商場內不時四處張望，似乎害怕被跟蹤偷拍，警覺性甚高，有別平日不拘小節的性格。直至走入人較少的書店內才放下防線，與Adam竊竊私語，期間兩人「細聲講，大聲笑」，引來不少途人目光，但Eydie似乎沉醉於愛河之中，未有理會旁人目光。其後兩人再走到鄰店挑選情侶iPod，最後更揀了兩部同款同色的iPod，儼如初戀情人的定情信物！

離開iPod店後，兩人走到位於商場頂層的餐廳，該處人丁更為單薄，二人開始大解放！先是Adam搭着女友香肩，其後二人更一起拿出手提電腦研究，此時Eydie更將豐腴的身軀挨到男友大腿上，還拿出相機玩自拍，且不時輕吹耳語。

否認有新戀情

女友如此挑逗，Adam終按捺不住主動索吻，兩人其後攬作一團，深深激吻才依依不捨地離開。事後本報記者聯絡上Eydie，恭喜她有新戀情，但Eydie卻矢口否認：「我哋唔係拍拖，佢係我好朋友，不過大家都鬼聲鬼氣，所以好啱傾。其實我同好多朋友都係咁，你哋唔好亂寫呀，佢女朋友我都識㗎！」說時難掩甜蜜情懷。

文︰名人組