來自外星的Cheaperman，經常發掘抵食抵玩的消費項目，確實造福不少香港人，最近Cheaperman的直屬隊長想大宴親朋，一向知慳識儉的隊長為了慳錢，於是委託Cheaperman到處尋找至抵食物，不過，大前提是指定要Cheaperman到葵涌，究竟Cheaperman今次能否順利完成任務，滿足隊長之餘，又可以為大家帶來最新的抵食資訊呢？

好玩小遊戲

來到葵涌廣場，Cheaperman發覺其中一間店舖內擺放了很多類似水池的物體，向老闆娘了解過後，原來這間店舖專門提供撈金魚遊戲，20元可以玩10分鐘，玩之後，可以任揀三條小金魚，又或者係小禮物一份。所謂快樂不知時日過，Cheaperman玩到流連忘返，差點忘記有任務在身。

喪食糯米糍

在商場逛了一會，突然看見一張「每件1元」的巨型海報，價錢咁抵，當然要過去看看啦！原來這裏是一間糕品店，不但有花生、奶皇、豆沙等不同口味的糯米糍，還有缽仔糕、西米糕等多款食品，全部都是1元1件，任揀唔嬲，認真抵食到震。

超特價零食

食完糯米糍，Cheaperma再繼續行程，期間看到一間零食店內人頭湧湧，立即走過去查看，發現不但零食款式多，部分貨品更平至「10蚊10件」，加上疑似是日本妹的售貨員不斷極力游說，Cheaperman終於忍不住買了大包零食，當中還有相信可以解暈飛碟浪的梅子糖，咁抵食，啱晒Cheaperman啦！

撰文：賴以堅