樂基兒捐單車bid爭之物

一眾上位模特兒對Jocelyn義助尼泊爾街童籌款活動甚為支持，樂基兒（Gaile）二話不說捐出一部單車作拍賣，Jocelyn並笑謂一定有捧場客買走單車，即使黎明要買回也不容易。

Jocelyn與丈夫Anthony為尼泊爾街童籌款興建學校，昨日二人帶同部分拍賣物品會見傳媒，其中最矚目的是「黎明嫂」Gaile親自再髹單車。

我女人整嘅嘢，邊個敢同我爭？！ （設計對白／資料圖片）	Jocelyn為尼泊爾街童建校，出心又出力。	樂基兒捐出的單車底價萬二元，經她親手髹油，相信一定成為拍賣的搶手貨。

或叫價五百萬

Jocelyn說︰「好多謝Gaile，佢好支持，因為佢鍾意畫畫，所以就髹咗架單車畀我哋。（可以叫黎明買番？）都可以，不過我諗實有好多人鍾意，會有好多人爭住bid，或者要五百萬先買到，哈哈。」

手袋	高球袋	手錶

期望籌到四十萬港元善款的Jocelyn，會用作興建學校，每年幫助廿五名街童回校上學及膳食費，雖然今次出心出力做善事，Jocelyn夫婦二人暫無意擁有自己名義的基金，她說︰「上年我去尼泊爾過生日，識到一個男仔，佢今年得廿五歲，但好有心要為尼泊爾的街童服務，希望佢哋可以讀多啲書，我同老公都好感動，所以想支持佢，聽（今）日佢仲會嚟香港為拍賣會做準備，個男仔真係好純，仲問我使唔使帶睡袋過嚟。」今次為了籌款， Jocelyn說夫婦倆都學了很多。

Jocelyn給老公一個香吻。

Jocelyn與夫婿Anthony落力籌辦善事活動，不少好友捐出物品。

絕不出賣自己

雖然出心出力，不過Jocelyn絕不會出賣自己，更不會接受富翁的飯局捐助，她說︰「我有老公，要去就同老公一齊去。」在旁的Anthony亦忍不住笑說：「我嘅飯局價好貴㗎。」

文：名人組