陳霽平逼男友睇自己點死

本地著名時裝設計師林樹彬新店開幕，陳霽平、陳沛嘉、傅潔恩和陳瑞麟夫婦等現身支持老友。陳霽平透露最近剛拍完一部法國電影，她說：「係我第一套法國片，要講法文，我係飾演一個非法買賣古董嘅中國女仔，部戲有好多難度高嘅動作，好似我死嗰場戲就死得好有創意，好激，有好多動作場面，不過我好鍾意，因為死得好型。（會唔會叫男友睇？）我唔知香港會唔會上，法國就會，如果香港上映，我會叫晒我嘅朋友嚟捧場，我會逼佢哋睇。」

陳沛嘉前晚特地從澳門返港撐好友，戴上黑超的她原來是為父親的病擔心得哭了兩星期，眼都腫了，她說：「爹哋喺澳門留醫，希望父親節可以同佢一齊慶祝。其實今年年初結婚結得咁急，都係為咗爹哋，我好想結婚時雙方家長都喺度，大家齊齊整整，我張結婚相入面有爹哋已經好滿足。」