陳見飛透露自父親陳澤民被申請破產後工作倍增，她感激各界好友的相助，令她能有更多工作機會賺錢養家，又笑言很久沒有逛名店，最多只是window shopping，認真乖女！
前晚平治E系列豪華房車及轎車舉行新車發布會及派對，大會請來多位名人明星出席，包括椋名凜、王友良、袁彌明、陳逸璇、黃家諾及翁嘉穗等。其中陳見飛與男友一同前來，問到工作情況？她說：「自從daddy件事（被申請破產）之後，我接多咗job，啲公關朋友好錫我，工作多咗一倍，所以呢兩個月都會忙啲！」
助手流感疑雲
記者見她手還拿着LV手袋，狀甚富貴，陳見飛即解釋說：「個手袋係細佬幾年前買畀我㗎，佢成日送手袋畀我，我冇行LV好耐，只係window shopping咋！（係咪想慳啲儲錢幫daddy還錢？）我都希望我有呢個能力，我係想幫成個family。」
同場的麥浚龍（Juno）則透露因為時裝生意有盈利，故有意買車送給母親。他又表示剛從日本返港，但助手返港後感到不適，即時到醫院檢查，幸好只是虛驚一場，但為免萬一，Juno也叫助手不要上班。
Juno阿嬌有聯絡
此外，Juno與導演彭浩翔昨日一同出席「全港網民選出的十大潮人」活動，各人會捐出物件供拍賣作慈善用途，其中彭浩翔捐出阿嬌（鍾欣桐）主演的《公主復仇記》海報，問Juno可會舉手拍賣？他尷尬地說：「我都覺得好巧合，不過好多熱心人做善事，唔需要我，市民嘅力量會多過我。（仲有冇同阿嬌聯絡？）有。」另外，早前Juno被電影公司邀請與荷里活著名導演JJ Abrams在東京會面，令作為粉絲的Juno興奮無比。