與法籍男友拍拖兩年的楊崢，近年積極修讀法文，加上雙方已見過對方家長，看來結婚只是遲早的事。
一直想學法文的楊崢，去年在Berlitz法國學校報讀法文，成績不錯，現在已經能夠作簡單溝通，她說：「其實我讀書嗰陣都有讀過法文，之後一路都好鍾意，覺得講法文好好聽。到2000年去巴黎做嘢，就更加希望自己法文可以好啲，不過一直冇時間學，直至舊年先的起心肝去讀。」結交法籍男友，豈不事半功倍？她笑說：「當然係有幫助，起碼佢可以教我做功課，平時亦都可以同我用法文傾偈。」
問到將來婚後可會移民法國？她笑說：「我理想嘅退休生活係三個月喺香港、三個月喺紐約、三個月喺法國、剩低嗰三個月就去一個未去過嘅地方。（幾時結婚？）順其自然啦，大家係穩定嘅話遲早都會行呢一步，我媽咪都好鍾意佢！」