諸葛梓岐昨日與詩雅和湯怡同為美髮品牌Kerastase擔任模特兒，問梓岐男友Neway二公子薛嘉麟是否喜歡她長頭髮，她說：「鍾意啩，佢都有摸下同埋讚下，拍拖都會㗎啦。我唔想講咁多男朋友嘅嘢，畀人話我太高調，我只係想好似正常人咁做拍拖做嘅嘢，不過咩都有人講，開始有壓力。（男友有冇叫你唔好講咁多？）佢同我講我開心咪得囉。」
梓岐又大吐苦水，表示打算不再回應一些無聊的言論，例如網上有人說她變性，又有人說她爆料，她說：「根本網上啲人講嘢可以好不負責任，太無聊喇，我都有睇過少少，得啖笑，我覺得唔使理。（係咪樹大招風？）係呀，連我媽咪都有話好煩，男朋友話笑吓就算。」
詩雅則謂很想拍洗頭水廣告，曾經有過機會但卻落選了，她說：「Casting嗰日我自己吹直頭髮就算，仲揸電單車去，結果個頭成個『癲婆』咁，啲客都嚇親。」