本文重點
陳豪不但貴為師奶殺手，連同性也照殺！昨日他出席汽車活動時，自爆曾在男更衣室內，被偷內褲及有男人以玫瑰花向他示愛，累他要坦蕩蕩離開更衣室，他笑言為免再有下次，以後會將內褲放好。
陳豪與模特兒Amanda S.昨日出席全新平治E系列汽車發布會。早前為新劇《宮心計》而增磅的陳豪，表示已有纖體公司向他接洽，他笑言只要拍出來美觀，也不介意打大赤膊拍廣告，他說：「如果我有身材、健康同多肌肉，我唔介意騷畀大家睇。」
夢想擁有開篷車
問他可怕因此招來男同志垂青？他自爆之前已有兩次經驗，不過對方並非擺明車馬，他說：「兩次都係發生喺健身室嘅更衣室內，有次我沖緊涼，我將條內褲放咗喺上面，點知轉頭唔見咗，好在佢留番條毛巾畀我，最後我惟有坦蕩蕩咁走囉！另一次係沖完涼發現locker有支玫瑰花，我都好感激佢嘅心意，但我冇攞。（對方有冇進一步行動或者留情信？）冇，兩次都夠啦！我惟有將自己嘅寶貴財物，即係內褲放好啲。」
另外，提到夢想座駕，陳豪首選開篷車，因喜歡在公路飛馳的感覺，他自言不怕被吹亂頭髮，問到緋聞女友廖碧兒是否怕被吹亂頭髮時，他即澄清：「我冇講過呀！」
Amanda S.迷信
至於身穿Versace白色大露背連身裙的Amanda S.，表示現時沒有座駕，她原計劃今年購買，但有堪輿學家指她今年不宜駕車，否則很容易發生危險，她說：「我諗住年尾先買車，出年可以揸。（叫男友送？）或者，佢都賺到錢，點解唔可以。」
文︰名人組