Angelababy進軍日本做藝人，現時積極備戰的她，向緋聞男友William大派定心丸，表示工作絕不影響生活。說到她與死敵Kama在書展出寫真鬥撼，Baby謂性感程度要賣關子，自言型過Kama。
「海港城STYLE Model Hunt模特兒大賽」前晚在海港城公布入圍名單，身為師姐級的Angelababy、汪圓圓、「翻版周汶錡」黃芝琪及「翻版薛凱琪」劉沛蘅等出席支持參賽者，Baby寄語各人，做模特兒不但外形要出眾，個人品格亦重要。
日本行騷唔賣肉
現在成為日本avex旗下藝人的Baby表示會在當地由模特兒做起，再向唱歌跳舞發展，她說︰「之前淨係影雜誌，依家會拍廣告同出騷，其餘時間就受訓。我會繼續接香港工作，唔怕失去香港基地，不過離開得耐會掛住香港。（掛住William？）掛住家人多啲。（怕唔怕分手？）我哋係好朋友，呢兩年我每個月都要飛日本，生活無咩大變化。」Baby續稱在日本雖然仍是新人，但酬勞與香港差不多，並強調絕不賣肉，只許健康性感，底線是三點式。另外將與死敵Kama一起在書展出寫真的她大賣關子說︰「我會唔會性感係秘密，（Kama半裸？）我型啲，性感都有少少。」
汪圓圓倒男友米
汪圓圓表示因轉天氣令臉上長滿粒粒，問她是否飲得太少「道地」老闆男友的綠茶？她即時忍不住甜笑，不過伊人未有借機為男友賣廣告，反而倒米說︰「我鍾意飲水，（會唔會友情價幫男友拍廣告？）交畀公司接，要睇佢畀咩條件，（男友都冇情講？）我係專業模特兒。」另外剛簽了STYLE的黃芝琪，希望能雙線發展模特兒和電影事業。
文：名人組