汪圓圓日前忙裏偷閒，到九龍塘又一城名店盡情購物，她先到時裝店Jill Stuart，再到BCBG與REISS，在店內她左揀右揀，然後到更衣室左試右試，其後她大爆媽咪是個購物狂︰「講到shopping，我媽咪瘋狂啲！因為我媽咪好後生，又貪靚，一件衫都可以買幾件唔同色！」其後她解釋︰「因為我、家姐同媽咪嘅身形差唔多，媽咪一向都話我哋唔錫衫，驚我哋搶佢啲衫着，所以會買一款幾色。我見媽咪買嘢買到咁勁，我見到都驚，所以自己都好識控制自己！」
汪圓圓又笑言初來港時，不知道自己的穿衣風格，因而深受姐姐汪詩詩影響︰「入行後，見靚衫多咗，開始知道邊類型服飾先合我！」她又大爆很少三人行買衫，全因媽咪買不停，而家姐就冇耐性。
正與道地綠茶老闆方振文蜜運的汪圓圓，被問到有否為男友置裝？她打趣說︰「爹哋就有！我唔係好識買衫畀男友，我驚買咗唔合佢心水呀！」