拍手這個簡單的動作，對琦琦是一種對生命的反思。早前琦琦探訪四川災民，一位獨臂的災民，以單手拍肩膊代替拍掌。而失去下肢的女孩樂觀的詢問她婚紗的款式，令琦琦領悟到世上無難事，自己活在幸福之中，更打算以愛女任晴佳的名義幫助災民。
早前琦琦在華光功德會的安排下，聯同汪詩詩和任賢齊，到四川作親善探訪。短短兩天的行程，琦琦被眼前一幕幕人性勇敢的表現所感動︰「見到佢哋咁樂觀勇敢，即時諗起『窮人孩子早當家』呢句說話，感動到眼眶充滿淚水，但我唔可以喊，人哋需要嘅唔係淚水，真係無法形容佢哋嘅勇敢。」
見殘障女孩心噏
令琦琦難忘的片段很多，有位災民以僅餘的一隻手來拍打膊頭作為拍掌，以答謝他們的探訪，她又謂︰「有個冇咗下肢嘅女仔問我：『琦琦姐姐，將來結婚我應該着咩婚紗？』我聽到真係好心噏。佢哋都可以重新振作，依家好多人話金融海嘯好慘，但相比佢哋嚟講算得啲咩？世上有咩真係克服唔到呢？」
全程忍住淚水的琦琦，旅途中接到愛女晴佳（Ella）的來電，立即淚水決堤，Ella聽到媽媽哭着描述災民的情況後，自己也忍不住哭起來，琦琦說︰「佢聽完都知自己真係好幸福。見到有個同Ella年紀差唔多嘅孤兒，我即時想用Ella嘅錢去幫佢，我亦想捐一個音樂教室，以音樂帶畀佢哋快樂，依家華光功德會幫我check緊。」
小齊詩詩受感動
另外，曾多次到四川探訪的任賢齊，表示最感動的是能看見災民重展笑容，汪詩詩則為災民的積極堅強感到意外，她說︰「見到小朋友喺簡陋嘅臨時校舍努力學習，真係好感動。」
文：名人組