名模Lisa S.昨日為名錶品牌Richard Mille擔任模特兒，示範多款過百萬名錶，不過她竟倒米地表示：「我有十幾隻錶，全部都唔係貴價貨，亦冇乜紀念價值，只係有隻係媽咪喺我細個嗰陣送畀我嘅。我個人好論盡㗎！好容易刮花手錶，所以如果隻錶太貴我會好心痛。如果我擁有貴錶，我諗只會當作收藏品，平日得閒就攞出嚟欣賞吓囉！」
其後，當她發現自己說錯話時，立刻改口風謂男友吳彥祖（Daniel）最愛靚錶，因有升值潛力，她說：「佢（買錶）當係投資一種，覺得一隻名錶可以升值之餘，又可以留畀下一代，一舉兩得。所以，佢好捨得買名錶，不過只限於六位數字，貴過六位數唔會買呀！」
