【蔡穎怡北京直擊】 一向默默工作，不談私事的大陸紅星徐靜蕾，早前緋聞男友黃覺被指與曾愷玹拍劇傳緋聞，徐靜蕾為免愈描愈黑拒作回應，但默認兩人關係穩定，不過沒有結婚打算。
徐靜蕾以代言人身份出席腕錶英納格活動，體操全能王李小雙亦以嘉賓身份出現，活動在北京王府井百貨大樓露天廣場舉行，吸引不少巿民圍觀。四月中生日的徐靜蕾因工作關係在香港過生日，還到了迪士尼遊玩一番，被問到生日願望，她說：「我冇生日願望，我已活在幸福之中，父母身體又好，可以維持原狀已滿足。」
贊成禁炒作藝人私隱
國家廣播電影電視總局嚴禁電台、電視台炒作藝人私隱、八卦新聞，徐靜蕾被問到此事時說：「應該，實在有太多八卦新聞，好無聊，啲新聞胡說八道，啲人當真，成年人會識分，年輕人唔識，有時報道還有拜金性質，對年輕人都唔好。」
至於有傳徐靜蕾的緋聞男友黃覺，早前與曾愷玹傳緋聞，兩人拍戲時黃覺在女方面前換褲，徐靜蕾的回應是：「如果我愈去回應，就代表我愈重視呢啲花邊新聞，所以唔會講！（黃覺係咪男友？）點都好，感情係私人事，唔需要交代。」被問到父母有沒有催婚，她說：「我一直有男友，父母知我哋會點做。（會否結婚？）今日過得好就得，明天的事不要擔心。」
黃覺同曾愷玹冇可能
徐靜蕾得見李小雙十分開心，直認做運動員比演員更刻苦，問她有否興趣拍有關運動的電影？徐靜蕾說：「我同父親都鍾意打乒乓球，有波友成日叫我開拍有關乒乓球嘅電影，我都覺呢個運動好能代表中國，所以會考慮，可以的話都想演，我喺演員當中，一定是打得最好的一個。」
另邊廂，黃覺昨日出席活動，被問到與曾愷玹的緋聞，他無奈地說：「每次拍戲都有呢啲報道出來，不過曾愷玹係個有意思嘅女仔，好乖、諗嘅嘢睇嘅書都唔同。（有冇發展機會？）我哋沒可能發展。」