近日有傳楊愛瑾（Miki）跟永安太子爺郭永淳相戀，對方更為她而離婚，網友因此留言攻擊，Miki例牌否認緋聞，並自爆收到「恐怖」郵包，感到十分驚慌，又說知道有網友作人身攻擊，指她無論樣貌及唱歌都差劣！
時裝店SISTYR MOON老闆劉啟舜前日首次舉行個人畫展「好Q迫」，並邀得不少圈中好友到場，熱愛繪畫的楊愛瑾（Miki）、傅穎及小肥等都有出席，徐濠縈、蔡加敏夫婦均帶同女兒捧場。
對有傳跟永安太子爺郭永淳相戀，對方打算離婚想跟Miki正式一起，Miki淡然的說：「寫過好多次，今次嘅新意係離婚。我冇問佢，亦都唔會問，睇完就算。（大家為報道尷尬？）大家都好熟。（成日見？）唔係，未試過單對單約出嚟，每次都係一班人。」
攻擊樣衰歌又唔得
報道指有網友為此留言攻擊Miki，她認為是惡作劇：「最近我知道自己同公司個網都有人惡意鬧我，話我個樣同唱歌都唔得，直情係人身攻擊。我仲收到一個郵包，入面係鬼怪小說，我唔知係咪同一個人做，亦都唔知對方咩含意，真係好驚！（小心出入？）都唔會避咗唔出街。」
傅穎迷頭迷腦趕書
至於傅穎說為了出書趕工，由每朝八點寫到凌晨兩、三點，「一半係講愛情，其餘會講自己嘅生活如不和同走音事件。依家積極練舞，準備五月嘅廣州迷你個唱。」同場的徐濠縈則表示時裝店生意十分好：「差唔多回本，估唔到咁快就可以。（有冇留意衞詩事件？）有留意，我同佢唔熟，希望大家畀機會佢。」
蔡加敏與夫婿帶着女兒出現，她說會培養女兒對藝術的興趣，並打算讓她入讀playgroup。另外，劉啟舜感謝太太June圓了其開畫展的心願，又說現在市道麻麻，希望畫展能令大家看得開心。
文：名人組