周倩圯唱K忘病痛

周倩圯(Samantha)早前與一班好友到台灣旅行,患有腸胃炎的她逢吃必屙,令她十分不方便,Samantha說:「我之前都屙緊,去台灣五日四夜,就屙足咁耐,食幾多餐就屙幾多次。(你冇藥食咩?)有,但台灣咁多美食,點戒口呀!我啲腸胃藥畀我食到冇晒效,連我啲friend嘅腸胃藥都食埋,最慘係有時啲廁所好污糟,忍唔住都要去!(冇心機行街?)咁又唔係喎,我照shopping,不過一入到購物商場,就要搵定廁所位置。」

Samantha又表示相約好友陳德容短聚,她還充當導遊去了錢櫃(卡拉OK)唱歌,她說:「我去到就搶咪,全程淨係唱周杰倫嘅歌,成個人精神晒,唔記得自己仲病緊呀!」