本文重點
何琍琍二女趙式和新婚不久，細孖式平也有意與拍拖兩年的法籍男友拉埋天窗，現只等男友求婚，說不定趙家今年又有喜事辦！昨日式平獨自現身中環ifc，她透露現多與男友Frederic留在上海，問到兩人有否結婚打算？她笑說：「家姐結婚之後大家都有傾過，我哋都好鍾意小朋友，加上媽咪都好鍾意佢，所以依家只等佢求婚就嫁㗎喇！」談到現今藝人濫藥成風，式平揚言自己是個有家教的人，故絕不會吸食毒品，早前暴瘦只是減肥過度所致，並非濫藥。
圓圓撐甄子丹捧獎
此外，汪圓圓昨日也現身ifc，為出席金像獎頒獎禮裝身，到Escada試衫，她笑言對姐夫甄子丹奪獎很有信心，她說：「我有預感姐夫會贏，咁啱家姐都差唔多時候生日，如果真係贏咗可以順便一齊慶祝！」提到公開感情生活，圓圓笑說：「佢（男友）知道我係model，所以都有啲壓力要keep fit，出街着衫又會問我意見。」