寇鴻萍大女唐貝詩早前在其Facebook內自爆與毛玉萍兒子Eric Yu分手，昨日伊人被問到與Eric的關係時，她忍不住甜笑大讚對方，但堅持稱二人只是好好朋友，明顯為配合對方的低調生活，而將戀情地下化。
寇鴻萍與丈夫的意大利餐廳Pala將於明日開幕，身為女兒的唐貝詩與唐貝欣為表對媽媽支持，昨日到餐廳試菜，並大賣口乖說︰「我哋返港度復活節假期，日日都嚟試菜，大家都食到肥咗。」
甜讚好人
早前唐貝詩被傳與Eric分手，問到會否請對方出席開幕禮時，唐貝詩雖斷言拒絕，但卻一臉甜笑大讚對方說︰「佢真係好好人，從來唔會嫌我有咩唔好。（仲會唔會有發展？）唔知……費事（講）啦，人哋（Eric）咁低調，我要尊重佢，唔想成日提佢喺嘴邊，但係佢真係好好，我哋係好好朋友。」
教妹飛仔
除了保護Eric外，對妹妹貝欣的感情事，她亦一樣緊張，貝欣說︰「我試過喺情人節整蛋糕送畀一個男同學，整咗成48個鐘，點知個男仔食完無表示，淨係講咗句好味。家姐戥我唔抵，叫我唔好再理個男仔，之後我哋都無下文。不過我依家都唔心急拍拖，因為放完假返去要考大學，依家最緊要考好個試，唔想拍拖咁煩。」
文：名人組