鄧麗欣（Stephy）自爆得吳雨霏（Kary）真傳之健股運動，令她三日見效，現時擁有一個又彈手又堅挺的美股，即時穿短裙騷「股惑」。
前晚Stephy出席日本著名品牌Hysteric Glamour專櫃於又一城I.T的開幕活動，身穿短褲大騷40吋白滑長腿的她，跟品牌的設計師北村信彥會面。
冇教豐胸
Stephy對自己一雙長腿感滿意，並透露近日做健股運動頗見功效，她說：「Kary話做咗兩三日已經見效，我做咗都發覺pat pat firm咗，彈手咗同埋挺啲。女仔大個咗唔可以唔keep，敵唔過地心吸力。（佢有冇教埋你豐胸？）可能佢有做，但冇教我，覺得我唔需要啩！（係咪晒長腿好過晒胸？）着性感衫會驚，自己都係鍾意露肩和露腿多啲。」
爆愛情料
另外，Stephy透露將於七月出版一本關於愛情的小說，直言為令內容更真實，故此或者會加入自己真實的愛情經驗，她笑說：「我自己經驗唔多，可能要套其他人嘅料化名爆出嚟，畀大家競猜吓。」問到會否詢問導演（葉念琛）或游水嗰個（方力申）給予意見？她只選擇性地回答，說：「我會問導演意見傾吓個古仔點寫。」
文：名人組