每年樂壇都總會有新人出現，大家都知道我是一個時裝設計師以及形象設計師，又會為明星設計形象，今年亦已經落實為一個女新人做形象指導，係邊個就賣個關子先，等佢真正派歌見街先再話畀大家知佢係邊個……哈哈哈哈哈！
經驗談，其實每次為新人設計形象，都好傷腦筋，唔係你想像中咁容易，你要將一個本來是普通的人，塑造成一個與別不同的明星，人人都會留意佢，要令人覺得佢有星味，要令唔認識佢的人認識佢，要令唔記得佢的人記得佢，唔記得佢的歌都要記得佢個人，呢個係唱片公司對形象設計師的最低要求。不過通常唱片公司點會只得一個要求咁簡單，佢哋下一個要求就是可唔可以令到個新人有型有格啲！真㗎！唔係呃你㗎！得……一定得，不過要人記得，要人覺得你係明星，個星本身都好緊要，我哋將最好的放喺你個身上面，你可唔可以將最好發揮到最最好，就真係睇你嘅造化！如果唔係每年點會有咁多新人出現，又點會有咁多舊人離開……
今年的各位樂壇新人努力呀！
時裝設計師