絲絲講場：小米新手機唔再鬥平
小米集團（01810）將喺周三發布今年嘅新旗艦手機「小米9」，董事長雷軍喺佢個人微信講到對新手機定價嘅睇法，佢話：「小米旗艦機一定要去掉性價比的束縛，專心做最好的產品。這次為了做好小米9，我們不惜代價。」
透明版傳賣五千人幣
雷軍又指，小米9嘅製造及研發成本絕對唔低，所以售價肯定比舊年嘅小米8貴好多，希望大家能夠理解。佢解釋，從小米9嘅外觀，仲有後置三鏡頭、4,800萬像素傳感器、屏幕指紋等功能，成本唔平，令新手機售價無法降低。
近日網上已傳出，小米9普通版售價由3,499元人仔起，透明探索版4,999元人仔起，相較去年推出嘅小米8定價2,699至3,699元人仔加價唔少。
睇嚟，雷軍真係想小米擺脫性價比嘅束縛，但突然放棄一向主打嘅低價策略，市場同股東受唔受先？
余絲韻