絲絲講場：大摩高層「糕」唱聖詩籌款

一年一度嘅「蒸糕Bell」又嚟啦！摩根士丹利過去廿二年都參與「愛心聖誕大行動」，為弱勢社群籌款，而每年最精彩部分就係由大摩員工透過內聯網贊助一眾高層獻唱聖詩，同埋喺公司內部進行嘅焗蛋糕慈善拍賣。

聽聞佢哋今年共籌到355萬元，仲打破歷年紀錄添！而今年受助機構係保良局兒童住宿服務。

今次大摩內部員工總共焗咗25個蛋糕作慈善拍賣。其中，最高拍得近20萬元善款。大摩亞太區首席營運官賀禮仕尋日更率領約100名大摩高層，連同香港保護兒童會一班小朋友，喺西九龍環球貿易廣場獻唱，真係聽出耳油。

余絲韻