AI專才勁搶手，淨係計內地，針對AI領域嘅應屆畢業生，碩士生年薪超過30萬元人仔，博士生仲高達50萬元人仔，嗱呢個只係一年前嘅價。今年，博士生嘅年薪再飆升60%，去到成80萬元人民幣，計落即係月入6.6萬元人仔！
深圳企業長期缺人
AI領域企業人才短缺到，啲畢業生連招聘會都唔需要去。有間研發無人駕駛嘅深圳知名企業嘅人力資源部就話，佢哋公司有關AI嘅職位長期有空缺，不過都費事去寫招聘牌，因為到現場應徵嘅人實在太少喇。
事關有好多AI人才都未畢業，或者仲未離職，就早已經畀一啲企業Mark實咗。
所以正確啲嚟講，讀AI嘅學生一畢業，唔需要搵工，份工會自己找上你。
余絲韻