話說香港金融服務界十個組織聯同立法會議員張華峰，尋日喺金鐘一間酒樓筵開十幾席賀香港證監會主席唐家成榮休。
晚宴上各組織嘅主席輪流發言，好多人讚唐生親民，樣樣都有商量，退休後都要出山指點業界，仲有人笑言話唔知係咪業界唔捨得佢，所以尋日個市大跌！
其實唔止尋日有Farewell，業界「龍頭」證券業協會原來周前已悄悄歡送咗唐家成，仲送咗隻「銀碟」做紀念。協會點解唔跟大隊嘅？證券業協會主席張為國解釋，原來佢個會一早已單獨約咗唐生，所以尋日嘅「大圍」歡送會就唔再參加。不過，張為國尋晚都有以嘉賓身份出席晚宴。
余絲韻