絲絲講場：叙福樓買起老字號麵店

「永華麵家」？咪即係喺灣仔修頓球場對面近70年歷史嗰間雲吞麵舖囉，出名有「兩好」，就係「好貴」同「好味」，一碗上湯蝦子竹笙收成180大元！

冀傳承打麵技術

人家得過米芝蓮推介嘛，招牌嘢係鮮蝦雲吞竹昇麵、南乳豬手麵同桑寄生蓮子蛋茶。咩係竹昇麵？即係師傅每日騎住大碌竹壓出嚟嗰啲麵條。不過，聽講間舖做到今個月底，就會光榮結業。

叙福樓話，今次收購係想延續「永華」品牌同佢哋嘅製麵秘方，想將呢種快失傳嘅打麵技術傳承落去咁話喎。咦？唔通跟住會搞連鎖店？

余絲韻