絲絲講場：Fb朱仔加碼2100萬保安全

據文件內容，朱仔一五年個人保安預算約420萬美元，之後每年都有提升，舊年730萬美元，即係今年多咗270萬美元（約2,106萬港元）。

另外，Fb另一位同樣獲提供個人保安津貼嘅高層，就係二號人物嘅營運總監桑德伯格，佢舊年嘅保安津貼約為270萬美元。

Fb會用津貼幫朱仔聘請安保人員，採購、安裝、維護各種安全裝置，確保朱仔住宅嘅安全，仲會支付朱仔個人旅遊使用嘅私人飛機費用。

Fb在呈交證交會嘅文件中話，朱仔對公司好重要，舊年佢只係拎1美元嘅人工。委員會相信增加朱仔嘅保安津貼係合適同必要。

余絲韻