好多內地80後、90後話，養個「主子」做伴不知幾好，唔花得幾多個錢，比養個B划算好多。
飼料及護理開支大
事實真係咁？有內媒同啲貓奴狗奴計數，寵物開支主要有四大類：飼料、日用品、醫療，以及日常護理。飼料方面，除基本主糧外，仲有輔食同零食，維他命等又唔少得，加埋至少花費4,000人仔一年。日用品好似頸圈、牽引帶、貓籃狗屋咁，普通嘅一年要1,000蚊人仔左右。
醫療方面，「主子」身體好嘅，一年開支約800至1,000蚊人民幣。至於日常護理，包括洗白白、去寵物店修毛扮靚按摩等，一般年花約4,000蚊人民幣。加加埋埋，為「主子」一年奉上萬蚊係基本消費！結論係，愈係貓奴狗奴，愈可能比一般人窮！
余絲韻