絲絲講場：第七大道網遊做埋紅娘

玩家虛擬結婚變真夫婦

佢哋旗下一個好紅嘅遊戲，有玩家識到仔識到女唔出奇，勁就勁在真係結埋婚添，或者公司可以考慮開埋婚姻介紹所喎！

講番呢個令人振奮嘅打機故事，話說主角呢對玩家係內地同鄉，而個遊戲玩法內設虛擬結婚。有日，個男玩家喺個Game入面向女玩家「求婚」，女玩家覺得同男玩家幾好傾，升級又快啲，咁就喺遊戲內虛擬結婚囉！佢哋仲齊齊入咗遊戲玩家百名榜添！

之後男方鼓起勇氣約女方出街，女方又好大膽咁出咗嚟。大家傾吓、打吓機咁就喺現實發展成情侶，舊年初仲結埋婚添！不過，唔知佢哋日後會唔會打打吓機，又……你知啦，個Game仲有好多其他玩家喎……

余絲韻