絲絲講場：滙豐總行Canteen「智」惜食
講起食物同滙控（00005），小股東可能最緊張獅子行股東大會送嗰盒曲奇餅好唔好味。不過絲絲就聽聞，獅子行中環總行Canteen除咗味道唔錯外，仲有個「惜食」嘅智能系統！
佢哋最近仲引入呢個餐飲智能系統，可以儲存每碟餸菜嘅食材分量，從而得出所需食材嘅總量，之後比對廚餘嘅總量，計算和分析每種食材實際需要嘅分量。即係點？即係滙豐致力唔做大嘥鬼囉！
減少浪費 關愛長者
除咗滙豐內部唔做大嘥鬼外，最近滙豐香港都贊助咗個「惜食」活動，聯同惜食堂舉辦首屆「惜食‧關愛」推廣計劃。呢個計劃旨在鼓勵學生發揮創意，以惜食堂宗旨「停止浪費、解決飢餓、以愛相連」為比賽主旨，設計有關減少食物浪費及關愛長者嘅推廣活動。
滙豐香港區行政總裁施穎茵仲話，希望參加者可以喺過程中，知道珍惜食物有幾重要，真真正正明白咩叫「粒粒皆辛苦」咁話。
余絲韻